الالتهاب الرئوي

الالتهاب الرئوي مرض شائع و بيصيب الملايين كل سنة ، العدوي بتسبب التهاب في رئة او في الرئتين و ممكن تسبب مرض خفيف لشديد لكل الاعمار


ايه هو الالتهاب الرئوي ؟

هو عدوي بتصيب الرئتين بيسببها بكتيريا او فيروسات او فطريات لما بيجيلك التهاب رئوي، رئتك بتتملي بالسوائل وبتلتهب و ممكن الالتهاب يسبب خطر علي حياتك لو متعالجش علي الفور


مين الناس الي اكثر عرضة للاصابة بالمرض ؟

مرض الالتهاب الرئوي ممكن يصاب بيه الناس من جميع الاعمار لكن المرض بيكون موجود اكثر عند الرضع و الاطفال و كمان كبار السن و الاشخاص المصابين بامراض مزمنة في الرئة زي الربو او الانسداد الرئوي

كمان مرض الالتهاب الرئوي بيكون موجود بشكل كبير عند المدخنين و الاشخاص الي عندهم امراض قلب و سكر و مرض السمنة و سوء التغذية


ايه هي اعراض المرض ؟

-كحة او ضيق في التنفس وده العرض الرئيسي للمرض و الكحة ممكن تكون ناشفة او كحة ببلغم

-حمي و رعشة و ضعف و كمان اعراض تانية زي الم الصدر و سرعة التنفس او فقدان الشهية او صعوبة البلع

كمان الجلد الي علي الصدر ممكن يتحول لونة للون الازرق


ايه هو مدي خطورة الالتهاب الرئوي

الالتهاب الرئوي مش مرض بسيط وممكن يؤدي للوفاة

عشان تحمي نفسك من خطر الوفاة من مرض الالتهاب الرئوي استشير دكتور لو ظهرت عليك اعراض المرض قبل ما المرض يتطور لمرحلة خطيرة


ايه الي بيسبب مرض الالتهاب الرئوي ؟

الالتهاب الرئوي مرض ممكن تسببة بكتيريا او فيروسات او فطريات لكن النسبة الاكثر بتكون من البكتيريا

و الفيروسات بتكون مسئولة بنسبة 10% من الحالات و الالتهابات الفطرية بنسبة 10%


علاج الالتهاب الرئوي

علاج الالتهاب الرئوي دايما بيكون في وحدة العناية المركزة و الهدف من العلاج بيكون تحسين الاكسوجين و منع المضاعفات

وبيعتمد العلاج بنسبة كبيرة علي المضادات الحيوية بنسبة 80%


الوقاية من الالتهاب الرئوي

الالتهاب الرئوي ممكن الوقاية منه عن طريق:

التطعيم ضد الانفلوانزا

الحفاظ علي صحتك من خلال اتباع نظام غذائي صحي و ممارسة الرياضة بانتظام


Consult a doctor now within 4 minutes in strict confidence by downloading the application and get a 50% off by using promo code go50